الدكتور/ عمرو حبيب
استشارى الصحة النفسية بالطاقة الحيوية
شعور الأمان ده مش بالكلام ولا بالخروج ولا بالماديات الأمان اكبر من كل الحاجات دي بكتير أوي الأمان أبسط من كل حاجه في الدنيا كلها 
الأمان هو إنك تكون عارف إن فيه شخص في حياتك هيفضل موجود جنبك وقت ماتحتاجه هتلاقيه جنبك وسندك وضهرك وأمان ليك وإنت في كل حال حتي وإنت في أسوأ حالاتك وإن مهما وصل الزعل والخناق بينكم تبقي عارف ومتأكد وواثق إنه مش هيجرحك بكلامه لأن في الاخر ده مجرد خلاف وهيروح لحاله إنما إنتوا مكملين
الأمان إنك تكون مطمن بوجوده ومش خايف من حد في الدنيا
الأمان إنك تحس إنه دايما متمسك بيك مهما حصل بينكم ومهما واجهتكم مشاكل وظروف الحياه وإنك حتي لو غبت عنه هيجري عليك ويقلب كل الدنيا عنك عشان يلاقيك ويسأل هو عليك
الأمان هو نظره عين منه بيقولك فيها أنا هنا أنا موجود عشانك وجنبك أنا فاهمك انا حاسك والأهم من كل ده إنه مش ممكن ها يخذلك أبدا
الأمان إن الشخص ده يطمنك بوجوده مش يهددك بغيابه الأمان والاحتواء هو اجمل إحساس ممكن تحسه في الدنيا
كلام جميل جدا يادكتور .. تحياتى.
ردحذفوجودكم هو الأجمل
حذفتحياتنا وتفديرنا لشخصكم الكريم